Bantarawi

                Jaman baheula aya hiji desa anu lega pisan, nami na desa Bantarawi. Lantaran saking ku lega na , eta desa teh di pencarkeun janten 6 desa nyaeta desa Sukajaya, Mulyajaya, Bantarawi, Jatimulya, Leuwihaur, Mekarjaya.

            Nu ayeuna bade di caturkeun teh salah sahiji desa nyaeta desa bantarawi . Cenah mah kapungkur di desa ieu teh loba tangkal awi paranjang di sisi cai , sa teu acan aya jembatan baheula teh jelma anu bade ka pasar atanapi ka kota kedah nyebrang cai heula . Ku sabab di desa ieu teh loba tangkal awi , wargi di desa ieu teh gotong royong ngadamel rakit tina awi, supados gampil lamun bade ka pasar atanapi kota teh. Janten we wargi di desa ieu teh lamun bade ka pasar atanapi ka kota nyebrang cai na nganggo rakit anu tina awi tea. Tapi wargi di desa ieu teh teu salami na tiasa nyebrang cai nganggo rakit ieu , ku sabab ari musim hujan cai di walungan teh sok caah, jadi paur lamun nyebrang nganggo rakit teh bilih ka bantun ku cai nu caah eta , loba oge jelma anu ka bantun caah basa nuju nyebrang. Ti kajadian eta masyarakat ngarundingkeun kanggo ngadamel jembatan awi anu ngahubungkeun desa Bantarawi sareng desa Cikeusik, sangkan jelma anu bade ka pasar atanapi ka kota teh gampil, sareng teu kedah nyebrang nganggo rakit deui tinggal lewat jembatan wae, janten teu aya jelma anu ka bantun caah deui.

            Jaman beuki canggih , baheula Belanda keur ngajajah urang teh ngarobah jembatan awi janten di cor ku tembok anu pengkuh pisan sampe ayeuna. Tah sabenerna mah jembatan anu ayeuna teh titinggalan Belanda baheula basa ngajajah ka desa urang tea.

            Desa ieu disebut desa Bantarawi teh pedah kapungkurna di desa ieu teh loba pisan tangkal awi parangjang , sampe – sampe ngadamel rakit sareng jembatan oge tina awi , da saking loba na tangkal awi ku masyarakat teh dimanfaatkeun kanggo ngadamel rakit, jembatan awi , jeung sajabana. Nah tidinya desa ieu teh disebut na desa Bantarawi.

 

Gina O

XII IPA 3